ಅಮೇರಿಕಾ: ಈ ವರ್ಷದ ಪವಿತ್ರ ವಾರದ ಅವಧಿಯಲ್ಲಿ ಬೈಬಲ್ ಆಪ್ಗಳ ಬಳಕೆಯಲ್ಲಿ ಐತಿಹಾಸಿಕ ಏರಿಕೆ ಕಂಡುಬಂದಿದೆ ಎಂದು ಪ್ರಮುಖ ಡಿಜಿಟಲ್ ವೇದಿಕೆಗಳು ತಿಳಿಸಿವೆ. ಜೀವನದ ಸಂಕಷ್ಟಗಳ ನಡುವೆ ಆತ್ಮೀಯ ಮಾರ್ಗದರ್ಶನ ಮತ್ತು ಧೈರ್ಯಕ್ಕಾಗಿ ಜನರು ದೇವರ ವಾಕ್ಯದತ್ತ ಮುಖ ಮಾಡುತ್ತಿರುವುದಾಗಿ ಪ್ರಸಿದ್ಧ ಬೈಬಲ್ ಆಪ್ ‘YouVersion’ ಸಂಸ್ಥಾಪಕರು ತಿಳಿಸಿದ್ದಾರೆ.
ವರದಿಗಳ ಪ್ರಕಾರ, ಪವಿತ್ರ ವಾರದ ಅವಧಿಯಲ್ಲಿ ಪ್ರತಿದಿನ ಸರಾಸರಿ 18.7 ಮಿಲಿಯನ್ ಜನರು ಆಪ್ ಬಳಸಿದ್ದಾರೆ. ಈಸ್ಟರ್ ದಿನದಂದು ಈ ಸಂಖ್ಯೆ 21.6 ಮಿಲಿಯನ್ಕ್ಕೆ ಏರಿಕೆಯಾಗಿ, ಇದು ಆಪ್ ಇತಿಹಾಸದಲ್ಲೇ ಅತ್ಯಧಿಕ ದಾಖಲೆ ಆಗಿದೆ.
ಅಮೇರಿಕಾ ಮತ್ತು ಫಿನ್ಲ್ಯಾಂಡ್ ದೇಶಗಳ ಯುವಕರಲ್ಲಿ ಇತ್ತೀಚೆಗೆ ಕಂಡುಬಂದ ವಿಶ್ವಾಸದತ್ತ ಮರಳುವ ಹೊಸ ಪ್ರವೃತ್ತಿಯಂತೆ, ಈ ಅಂಕಿಅಂಶಗಳು ಜಗತ್ತಿನಾದ್ಯಂತ ಜನರು ಆತ್ಮೀಯ ಶಾಂತಿ ಮತ್ತು ನಿರೀಕ್ಷೆಗಾಗಿ ಮತ್ತೆ ದೇವರತ್ತ ಮುಖ ಮಾಡುತ್ತಿರುವುದನ್ನು ಸೂಚಿಸುತ್ತವೆ ಎಂದು ವಿಶ್ಲೇಷಕರು ಹೇಳಿದ್ದಾರೆ.
ಆಧುನಿಕ ತಂತ್ರಜ್ಞಾನ ಯುಗದಲ್ಲಿ ದೇವರ ವಾಕ್ಯವನ್ನು ಸುಲಭವಾಗಿ ತಲುಪಬಹುದಾದ ಪರಿಸ್ಥಿತಿ ನಿರ್ಮಾಣವಾದ ಕಾರಣ, ಮಾನವರು ಆತ್ಮೀಯ ಶಾಂತಿ ಮತ್ತು ಭರವಸೆಯನ್ನು ಹುಡುಕುತ್ತಾ ಮತ್ತೆ ನಂಬಿಕೆಗೆ ಮರಳುತ್ತಿದ್ದಾರೆ ಎಂಬುದು ಈ ಬೆಳವಣಿಗೆಯಿಂದ ಸ್ಪಷ್ಟವಾಗುತ್ತಿದೆ
